2026 թվականի հունվար-հունիս ամիսներին Հայաստան այցելած զբոսաշրջիկների ամենամեծ հոսքը ձևավորվել է Ռուսաստանից։ ՀՀ վիճակագրական կոմիտեի տվյալներով՝ այդ երկրի բաժինը կազմել է 45.7%։
Ընդհանուր կառուցվածքում ԱՊՀ երկրներից ժամանած զբոսաշրջիկները կազմել են 48.4%, ԵՄ երկրներից ժամանածները՝ 17.3%, իսկ մնացած 34.3%-ը բաժին է ընկել այլ երկրներին։
Առանձին երկրների կտրվածքով Ռուսաստանից հետո ամենամեծ բաժիններն ունեցել են ԱՄՆ-ը՝ 6.3%, Իրանը՝ 4.2%, Ֆրանսիան՝ 4%, և Գերմանիան՝ 3.4%։ Վրաստանից և Իտալիայից ժամանածների բաժինը կազմել է 2.2%-ական, Ուկրաինայից՝ 1.1%, Նիդերլանդներից՝ 0.6%, Կանադայից՝ 0.5%։
Այցի նպատակների կառուցվածքում գերակշռել է հանգիստն ու ժամանցը՝ 58.5%։ Գործնական նպատակով Հայաստան է այցելել զբոսաշրջիկների 36.6%-ը, բուժման նպատակով՝ 1.6%-ը, իսկ 3.3%-ը նշել է այլ նպատակներ։
Տվյալներն արտացոլում են 2026 թվականի առաջին կիսամյակի զբոսաշրջային հոսքերի աշխարհագրությունն ու այցելությունների հիմնական նպատակները Հայաստանում։
Աղբյուր՝ b24.am
